結緍十八個月, 終於正式達成我倆的首要目標...置業！
交吉日是2014年5月2日，剛好結婚第十八個月，倆口子實在很開心！
整個五月都會很忙很忙，但還是要把這個過程好好記下來。畢竟這是一個很難得的經驗，亦都可能係我倆口子呢世人既唯一一次！(當然很希望還有下一次)不過都希望將來再一次經歷時會變叻一點!!哈哈:P
暫時記著重要的日子先, 待搬好屋後再慢慢寫詳細。
二月十五日: 第一次參觀這單位, 一見鍾情!大頭更做了大蝦頭事情, 相當尷尬！但已鎖定這單位為目標, 更雙方口頭承諾。
三月一日: 在業主的出售証批出前再度睇屋, 今次更講明有幾多野留比我地！
三月二日: 追價不斷, 很生氣很生氣！
三月三日: 出售証批出, 已約明天簽臨約。
三月四日: 倆口子開開心心簽臨約去, 體驗了一生人中簽得最多名的一天。終於封價，終於落實！但經紀既辦事能力真係...=_="..份臨約竟然可以漏左一頁...嗯！十萬...就這樣沒有了六位數字！
三月十日: 去律師樓申請提名信，律師樓的員工態度令我倆目瞪口呆，實在驚嘆不已！
三月二十三日: 為何大訂不是開支票，為何要我到櫃員機過數，為何櫃員樓這個時候才"暫停列印通知書"功能...結果令我倆口子嗌了場小交！
三月二十四日: 簽大訂，好好期待一個月的過去，然後再去驗樓同埋簽樓契。
三月三十日: 去了茲曼尼睇梳化，落埋訂！去了宜家睇床，朱仔很想很想要六呎床呢...
四月二十八日: 終於來到這一天，早上到了律師樓簽樓契，下午食過『新斗記』乳豬就出發去驗樓，地產公司特派一位操朱嫙口音既女子黎招待我地...=_=""驗樓驗到無野要佢地跟，似乎我地真係太好人！臨走前度埋size，星期四可以買床啦!!!
五月一日: 由於size問題，只能買queen size床，都叫做大過以前啦~~
五月二日: 終於成交，但好可惜係原來交鎖匙係要o係五點後，中午帶著碌柚葉入到去，落車時打比果位大陸口音既女子，竟然係長途電話tone！SHIT!!!!倆口子即時被打亂陣腳, 打比經紀，搵完人要搵鎖匙，救命！結果差唔多六點先搵到鎖匙，差唔多六點半先番到新居...
之後，每個星期六都入新居，每個假期都入新居，結果第二個星期日大頭已經作感冒，希望朱仔可以頂得住！
六月一日, 入伙日!
by 大頭阿麗
