唔覺唔覺, 原來我已經無打理這裡好幾年...
這幾年,
婚已結
屋已搬
女已生
交已嗌...
大概...
精神病都快要來。
居都快要分,
然後婚都可能將會離....
但女兒還很小....
女兒出世後的所有第一個節日:
聖誕節 (課金鬧大交)
元旦 (課果事件被男家家人說成我情緒波動反應過大)
新年 (安然過渡)
阿女一百日 (呢餐飯, 奶奶推翻了自己之前所有講過的話及建議, 更話我地唔尊重佢, 結果害我沒有好好為女兒辦一百日, 只能食便飯當慶祝了, 我很後悔點解要聽佢支笛...我應該好好自己安排, 然後叫佢參與就可以!)
復活節 (姐姐放假, 好忙!)
母親節 (自己沒有感覺, 因沒有被哄過, 也沒有收過禮物)
父親節 (母親節沒有人安排慶祝, 我也不用費心了!)
節日, 變得不再是一個特別高興的日子。
有時, 因為我內心跟人比較了嗎? 為何別人家庭多了小寶貝後係好開心。
全家福, 都不知拍過多少張...
有時會覺得自己好假....明明唔開心, 明明同個老公嗌左交, 但人前人後又要扮開心, 其實好痛苦...
6月....你又要再入手術室做眼手術....仲要入兩次...湊大又要湊細, 有時好想攬住姐姐喊,
因為只有佢幫我分擔, 只有佢知道我家咩環境...
8個月黎, 已經流過不止1公升眼淚了!
聽過太多傷透心的說話, 還可以再承受多少? 對你或者還有很多!
但要是女兒有甚麼不測, 我應該崩潰了!
女兒係我10月懷胎帶她來這世界, 無法不緊張, 你不明白就算了!或者把你的遊戲洗底, 你就會明白如果女兒有咩事對我有幾崩潰。
我們的心愈走愈遠, 沒有以前的關心了! 只係同屋主關係嗎?
我係單親媽媽嗎?
by 大頭阿麗
