贖大頭

今日朱仔可謂比大頭點得『駝妥另』...

事源本身係已經約好朱仔兩點在旺角等，
點知大頭訓過龍，點幾鐘還在學校趕手尾...
咁就叫朱仔唔好出去住，等大頭攪掂晒先出門啦，
隔左陣，朱仔已經ready好，
大頭又話唔太想出旺角，但最後又話都係o係雅蘭見。
隔左陣，大頭o係學校樓下同朱仔講: 不如你出灣仔搵我丫。
然後三分鐘內，大頭又同朱仔講: 都係去番旺角啦...
大頭番完公司再去旺角，諗諗下要去太子附近買野，
在金鐘地鐵站時打比朱仔，同佢講:o係太子聯合等啦。
就係咁.....個幾小時，大頭分別要朱仔去呢度果度...
當大頭同朱仔會合時，
朱仔同大頭講左句: 我以為比人叫我交贖金...

哈哈~~~~我仲問番點解，朱仔答: 因為係咁轉地點...

就係咁，朱仔贖左一個麻煩的大頭。有無後悔先? 哈哈

(未來的日子，仲要繼續贖落去呀~肯唔肯先?哈哈)

By 大頭阿麗