時間觀念

今日，約了朱仔去深水『土步』為囝囝買布，
約了一點鐘....在深水『土步』的巴士站見，
昨晚通過一會電話，大頭已經預感到...朱仔今日會遲到...

會預感到朱仔遲到，不是因為朱仔話要睇波睇到早上五時，
而是因為朱仔話要賣『蛇』(朱仔昨日在家屠蛇...即係拆電線)這一點。就算多近...也是需要時間，
一個早上，三小時(以十點開始計時, 並已梳洗完畢)...又要賣野，又要食早餐，又要上樓，
又要洗頭沖涼...又要出門口...幾咁忙...所以大頭已經覺得...朱仔會遲到。

十二點左右大頭打比朱仔，問出門未...朱仔話要多等一會兒，
大頭聽到語氣，已經知道，不是十五分鐘內的事。
所以大頭都自己先行出門，約了幾點就幾點，自己準時係自己的責任。
十二點半，朱仔終於打比大頭，大頭不是想生氣，只係想告訴朱仔，
以後對時間的控制可否好一點，既然已經覺得見面不夠，為何幾乎次次都遲數十分鐘，
不是要準時，爭取多一分鐘一起的時間嗎? 遲到，不是在浪費時間嗎?
既然知道超出預算，為什麼不早一點告訴我要遲一點，交帶一下呢?
而係要大頭到最後一分鐘打比朱仔，朱仔才告訴我要遲一點呢?
如果我沒有打電話給你，朱仔你打算幾時才通知我呢?

巴士上，朱仔已經知道我的語氣有火藥的味道，所以由巴士上到趕到巴士站，
已經不停的跟我道歉，我不是擺架子去保持住黑口黑面，
只是心情還未回復過來吧。我也不是存心去氣你，只想你知道，
我希望你會珍惜我們之間的每一分每一秒，約一點就一點出現，
不好只對朋友們準時，對熟悉的女朋友就可以放心遲到...
不論什麼原因，我希望是你自動通知我一聲:『你比多xx分鐘我，我仲未出到門口住...』
(是有數字的分鐘數，而不是答一陣這種天文數字的分鐘數...)
而不是由我打電話比你時你才告訴我....我要的是一個會計劃，有責任心的朱仔呀....

我知道我都會有做錯的地方，如果我做錯，朱仔你要告訴我，
不要寵我，否則我們都了解不到對方，不知道對方到底有什麼要求...

**囝囝的布總算買到，希望囝囝會順利出世啦~**
雖然大半篇日誌都沒提今日的行程，而且還火火地藥味添，不過，今日的約會其實是很開心的。
我們去了西九龍中心頂樓打籃球，最高入球分係330，好勁，兩個人玩到汗流浹背，腰手酸軟，
然後食麵，之後到旺角買明天的戲票，然後我們再到尖沙咀食鼎泰豐，
排了兩個多小時的隊才輪到我們，好勁，但好好食，多謝朱仔買的外賣給我家人。
今天是開心的快樂的，謝謝你，朱仔。

By 大頭阿麗