看完了大頭前篇的網誌後, 朱仔腦海裡的感動突然湧上心頭; 既然大頭希望重溫一次給朱仔的信.
朱仔就從今天起將之前大頭手寫給我的信, 重新打入這個網誌中; 以解大頭的相思之苦吧!
文(朱仔):
你好! 係咪估唔到我會寫信比你呢?哈哈! 久違了的『通訊科技』呢! 唔知你o係咩環境下睇我呢
封信呢~ 巴士?屋企?公司?天台?Anyway, 希望你唔會睇得太辛苦啦! 我的字唔會太差啦!
2008年1月1日, 我會好好咁記住呢一個日子,因為由呢一日開始, 會有一個好好, 好好的男生做我
的男朋友, 那一張合照, 我們的第一張合照, 1月1日的留影, 我會將佢晒出來, 過膠, 好好咁放o係銀
包度. (你係咪笑緊我老土?)
你o係我心目中, 係一個好好, 好好的男生, 對屋企有責任感, 會將媽媽放在第一位, 我一直認為, 會
將屋企放在第一的男仔, 將來一定會係好老公. 希望我都可以做到你心目中的女朋友啦. ' v ' 或者應
該講, 我會努力做好你的女朋友吧!
你份人亦好浪漫, 你的文字總是tum得我很甜很幸福, 上次話想見我的果個msg, 幾乎tum到溶左
我... 哈哈！果一刻我開心到呆左...其實由你第一個sms開始(22/12), 你說希望隻bear可以伴我
創作, 你呢幾隻字, 我已經覺得你是一個很細心的人, 因為沒有男生送禮物時會跟我說這類『伴
我一起』的話, 你好似叫隻bear要完成你的任務, 要支持我那樣, 好warm, 多謝你, 我真係好感動.
未來的日子, 唔知會唔會比你"d 文字溶左我...哈哈!
我呢? 你會覺得我點? 除左感覺似一個好媽媽.
寫呢封信時, 我個嘴幾乎未合埋過. 哈哈! 今朝搭車諗起你講著西裝果段話, 真係笑左出o黎!哈哈!
唔知你會用咩方法回我呢! 你係一個創意十足既人! 滿腦子都有"d 古靈精怪的idea咁~! Anyway,
你話事啦!
我決定將我雙手送比你, 呢份禮物比較特別, 希望你可以記得果一刻的感覺啦!
好好收好呢封信喇! ' v ' From Candy(大頭)
by 朱仔阿文
No comments:
Post a Comment